Barnas dag – Os Fotball utfordrer næringslivet!

Klarer me å fylle tribunen mot Loddefjord på barnas dag 1.september? (Foto: Midtsiden.no).

Os Fotball inviterer til BARNAS DAG på Kuventræ kl.12.00 1. september 2018. Det blir ein dag full i morsame aktiviteter for born og vaksne etterfulgt av A-laget sin kamp mot Loddefjord kl.15.00. Det blir hoppande gøy med hoppeslott, fotballaktiviteter, triksekonkurranser, skudd-rader, agility-løyper, sprintkonkurranser med meir. I tillegg blir det serving av mat, live-musikk før A-laget sin kamp, pauseunderhaldning med barnekamp under kampen, ansiktsmaling og moteshow.

Arrangementet er gratis og me utfordrar difor næringslivet til å vere med å bidra til barnas dag med å betale inngangen med x-antall kroner (feks. 1 kr, 2 kr, 5 kr eller meir) per tilskodar på A-laget sin kamp mot Loddefjord. Det vil seie, kjem det 500 tilskodarar og din bedrift har sponsa arrangementet med 1 kr per tilskodar, så bidrar din bedrift med 500 kr. Mange bekker små kan gjere ein stor forskjell, så me oppmodar så mange bedrifter som mogleg å bli med på arrangementet. Me har som mål å samle inn 200 kr frå næringslivet per tilskodar. Klarer me målet på 200 kr? Då treng me støtte frå din bedrift! Bedrifter kan utfordre andre bedrifter til å vere med,  saman er me sterke. Også privatpersoner kan vere med.

Me håper din bedrift vil støtte oss i å lage tidenes barnas dag på Kuventræ!

Om du eller din bedrift ynskjer å vere med og støtte BARNAS DAG, send mail til endre@osfotball.no